| పేరు (ఆంగ్లం) | Gattu Radhika Mohan |
| పేరు (తెలుగు) | గట్టు రాధిక మోహన్ |
| కలం పేరు | – |
| తల్లిపేరు | వెంకటమ్మ |
| తండ్రి పేరు | కిష్టయ్య |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | – |
| విద్యార్హతలు | – |
| వృత్తి | రచయిత్రి |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | – |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | • గణిత స్ఫూర్తి అవార్డు • వరంగల్ అర్బన్ జిల్లా ఎడ్యుకేషన్ డిపార్ట్మెంట్ నుండి ఉత్తమ ఉపాధ్యాయ అవార్డు • బీసి టీచర్స్ యూనియన్ నుండి జిల్లా ఉత్తమ ఉపాధ్యాయ అవార్డు • లయన్స్ క్లబ్ వారి నుండి జిల్లా ఉత్తమ ఉపాధ్యాయ అవార్డు • జాతీయ సాహిత్య స్ఫూర్తి అవార్డు • మిట్టపల్లి నరసయ్య సాహితీ పురస్కారం • కలం భూషణ్ అవార్డు |
| ఇతర వివరాలు | – |
| స్ఫూర్తి | – |
| నమూనా రచన శీర్షిక | అలసిన మనస (కవిత) |
| సంగ్రహ నమూనా రచన | చరిత్ర వాకిలి ముందు పరుచుకున్న నా జీవిత తెరలను ఒక్కొక్కటి విప్పి చూసినప్పుడు అందులో మాసిపోని వేదనలే నవ్వుతూ కనబడ్డాయ |
గట్టు రాధిక మోహన్
అలసిన మనస
చరిత్ర వాకిలి ముందు
పరుచుకున్న నా జీవిత తెరలను ఒక్కొక్కటి విప్పి చూసినప్పుడు
అందులో మాసిపోని వేదనలే నవ్వుతూ కనబడ్డాయి
క్షణాలను అరచేతుల్లోకి ఒంపుకొని సీతాకోక రెక్కలను కట్టుకొని
సింగిడి ఆకాశంలోకి ఎగిరిపోయి
ఆ వేదనల నవ్వులను తొక్కెయ్యాలనుకుంటాను
నా ఊపిరిలోని ఆశలకు
ఒక కొత్త ఉదయాన్ని చూపెట్టడానికి ప్రయత్నిస్తుంటాను.
కానీ…
ఎప్పటికప్పుడు కొత్తదనాన్ని కప్పుకునే
ఈ పితృస్వామ్యం నా చూపులకి గంతలుకట్టి అంతుతెలియని చీకటి బావిలోకి తోసేస్తూ ఉంటుంది
నేను నేర్చిన అంకెలకు కూడా
ఆ లోతు అంతుబట్టకుండా పోతూ ఉంటుంది.
పోరాడి పోరాడి ఓడిపోయిన నేను
ముక్కలు ముక్కలుగా తెగిపడిపోతుంటాను
అయినా… నిరంకుశ అహంకార అరాచకాలు
ఈగలోలె ముసురుతూనే ఉంటాయి.
నిరంతర యుద్ధానికి చిరునామాగా ఉన్న నేను
మారని నా చరిత్రను మళ్ళీ లిఖించుకోవడానికి
అలసిన నా మనసుకింత ధైర్యం తాగించి
నేనొక ఫీనిక్స్ పక్షిగా మారిపోతాను.
———–
