| పేరు (ఆంగ్లం) | Obbini |
| పేరు (తెలుగు) | ఒబ్బిని |
| కలం పేరు | – |
| తల్లిపేరు | – |
| తండ్రి పేరు | – |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | – |
| విద్యార్హతలు | – |
| వృత్తి | కవి |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | నీటిపటం తలంటు శివ దేవి ‘జల శార్దూలం |
| ఇతర రచనలు | – |
| ఈ-పుస్తకాల వివరాలు | https://telugu.asianetnews.com/literature/obbini |
| పొందిన బిరుదులు / అవార్డులు | – |
| ఇతర వివరాలు | ఒబ్బిని కవిత : నీటిపటం దడుల జీవితాల మీద సాగే దండయాత్రల మీద దండి యాత్రలు సాగాలి ! అంటూ ఒబ్బిని రాసిన కవిత నీటిపటం ఇక్కడ చదవండి : బురద రంగు పులుముకుంది నీటిపటం గోదారిలో కరిగిపోతున్నాయి గోడలన్నీ ! పైకి తేలుతున్నాయి పురాతన శిధిలాలు ! అమ్మపాలన అంతరించి అయ్యపాలన వచ్చినట్లు దారి దారినా దండయాత్రల దండలే విరబూసినట్లు శిలాఫలకాలు చెబుతున్నాయి |
| స్ఫూర్తి | – |
| నమూనా రచన శీర్షిక | ఒబ్బిని కవిత : నీటిపటం |
| సంగ్రహ నమూనా రచన | దడుల జీవితాల మీద సాగే దండయాత్రల మీద దండి యాత్రలు సాగాలి ! అంటూ ఒబ్బిని రాసిన కవిత నీటిపటం ఇక్కడ చదవండి : బురద రంగు పులుముకుంది నీటిపటం గోదారిలో కరిగిపోతున్నాయి గోడలన్నీ ! పైకి తేలుతున్నాయి పురాతన శిధిలాలు ! అమ్మపాలన అంతరించి అయ్యపాలన వచ్చినట్లు దారి దారినా దండయాత్రల దండలే విరబూసినట్లు శిలాఫలకాలు చెబుతున్నాయి ! పుష్పించే చెట్లు అమ్మపాలనకి ఆనవాళ్ళు |
ఒబ్బిని కవిత : నీటిపటం
దడుల జీవితాల మీద సాగే దండయాత్రల మీద దండి యాత్రలు సాగాలి ! అంటూ ఒబ్బిని రాసిన కవిత నీటిపటం ఇక్కడ చదవండి :
బురద రంగు పులుముకుంది నీటిపటం
గోదారిలో కరిగిపోతున్నాయి గోడలన్నీ !
పైకి తేలుతున్నాయి పురాతన శిధిలాలు !
అమ్మపాలన అంతరించి
అయ్యపాలన వచ్చినట్లు
దారి దారినా దండయాత్రల దండలే విరబూసినట్లు
శిలాఫలకాలు చెబుతున్నాయి !
పుష్పించే చెట్లు
అమ్మపాలనకి ఆనవాళ్ళు !
పూలూ ఫలాలూ లేని చెట్లు
అయ్యపాలనకి గుర్తులు-
కరుణాక్షరాలు క్రూరాయుధాలుగా మారిపోయాయి !
సత్యాన్ని ఎగజిమ్మీ , సత్తువ నింపే
కాలానికో కవి, నాలుకకో కవి !
ఆనాడో కవి వీరుడు
నల్లని బొగ్గు ముక్కలతో
చెరసాల తెల్లని గోడలని అక్షరమయం చేశాడు!
నేడు బడిశాల గోడల మీద
నల్ల బోర్డులు కరువయ్యాయి
తెల్లని తెలుగక్షరాలు రాయడానికి !
నీటి ప్రవాహంలో
నీతి ముఖాలు కనిపించడం లేదు !
విపత్తుల మతులు తేలుతున్నాయి !
చదువుల ఫలితాల
సంబరాల పలుకులకీ
వరద విపత్తార్తుల గొంతు వాక్కులకీ
లంకె కుదరడం లేదు, పొత్తు కుదరడం లేదు !
నీటి పటం
బురద రంగు పులుముకుంది !
గోడలన్నీ గోదారిలో కరిగిపోతున్నాయి !
కాటుక కరిగిపోతుంది కన్నీళ్ళకి !
మల్లెల్లాంటి ఓనమాలతో
జడలు పరిమళించాలి!
దడుల జీవితాల మీద సాగే దండయాత్రల మీద
దండి యాత్రలు సాగాలి !
ఒబ్బిని కవిత : తలంటు
కవి కయ్యాలమారి కాదు, గాయాల మర్రి అంటూ ఒబ్బిని రాసిన కవిత ” తలంటు ” ఇక్కడ చదవండి.
తలంటు
గీకిన ఐస్ మీద రంగు నీళ్ళు పోసి
పుల్లతో ఐస్ ఫ్రూట్ అమ్మిన
తోపుడు బళ్ళు కూడా కనబడడం లేదు –
ఓ గుప్పెడు మంచు గడ్డని కరిగించి
దోసిట్లో మంచినీళ్లలా తాగుదామనుకుంటే
ఎగసిపడే రుద్రజ్వాలలు తలంటుతున్నాయి !
ఒక్కో బాంబు ఒక్కో భాషని ,ఒక్కో భావాన్ని ,
ఒక్కో జన సమూహాన్ని ఖననం చేస్తుంది !
క్షీర సాగర మధనంలో
అదనపు విలువ అమృతమై కూర్చుంది,
నర మేధ యుద్ధ వేదంగా అమలవుతుంది !
దేశాల రహదారులన్నీ
రక్షా బంధనాల కోసం , తాయెత్తుల కోసం ఒకటే పరుగు !
కవీ నిన్నెవరూ పెళ్లాడ్డం లేదు
రహదారి పక్క నిలువు బండ రాయి మీద
అడ్డగా కొలువైన బండ రాయి
అడవి నుంచి ఓ స్త్రీ తల మీద
కట్టెల మోపుతో వస్తున్నట్టు అనిపించింది – అని నీవు చెప్పినా ,
ఉదయానికి ఓ మల్లె మొగ్గ విడినా
కాలుష్యాన్ని ఖాతరు చేయనక్కర్లేదనీ నీవు చెప్పినా –
ఈ నగరం
గడ్డ కట్టిన కాశ్మీర్ దాల్ సరస్సు అని,
పాల పొంగు లక్ష్మి వెంట పరుగెడుతున్నారు యువ జనం అని,
కుక్కలు లేని వీధులుంటాయా అని అంటున్నావని
కయ్యాలమారి కాదు కవి ,గాయాల మర్రి కవి ,
కవిత్వం ఓ ముడి ఖనిజం అని అంటున్నావని –
కవీ నిన్నెవరూ పెళ్లాడ్డం లేదు !
“పుట్టినప్పుడూ యుద్ధమే
పెరిగినప్పుడూ సంగ్రామమే
పాటుబడ్డప్పుడూ పోరే
విశ్రాంతి కోరుకునే సమయంలో కూడా
నిరంతర యుద్ధగాన ప్రదర్శనలే “ అన్న
జ్ఞాపకాలే గదా తలలో గూడు కట్టుకుంటున్నాయి!
కవీ నిన్నెవరూ పెళ్లాడ్డం లేదు!
అర్జెంట్ ఆపరేషన్ సమయాల్లో
అవయవాలని ఆసుపత్రుల్లో అందజేయడానికి
ఏర్పడ్డ గ్రీన్ చాన్నెల్స్ – నడవల నడకలని
నడవడానికి ఎవరూ ముందుకు రావడం లేదు
కవీ నిన్నెవరూ పెళ్లాడ్డం లేదు!
———–
