గన్ను కృష్ణమూర్తి

గన్ను కృష్ణమూర్తి పేరొందిన తెలంగాణ కవి, రచయిత, విమర్శకుడు

కామర్స్ లెక్చరర్గా జీవితాన్ని ప్రారంభించిన గన్ను కృష్ణమూర్తి అభిలేఖిని సాహితీ వేదిక ద్వారా వెలకట్టలేని సాహితీ సేవలను అందించారు. తెలుగు, హిందీ, ఇంగ్లీష్ భాషల్లో అనేక రచనలు చేశారు.  గేయ కావ్యాలు, అనువాదాలు, దీర్ఘ  కవితలు, వేద పరిశోధనలు, మినీ కవితలు, పేరడీలు, పద్య  శతకములు, వేద పరిశోధన గ్రంథాలు రాశారు

కొత్త కోణాన్ని ఆవిష్కరించా

మానవ జీవితంలోని మొదటి బాల్యం, కౌమార, యౌవన దశలు ఒక ఎత్తయితే, ఒక్క వృద్ధాప్య దశ ఒక్కటి ఒక ఎత్తు. ఇది మానవజీవన సంక్షిప్త చిత్రం! లేదా రేఖా స్వరూపం.

ఎనిమిదో తరగతితో ఆగిపోతుందనుకున్న నా చదువు 12 దాకా సాగింది. ఆపై డిగ్రీ, పిజీ పూర్తిచేశాను. ఉద్యోగం దొరకదేమోనని భయపడ్డవాణ్ణి వెదుక్కుంటూ వరుసగా మూడు ఉద్యోగాలు… 1. సర్వే ఆఫ్‌ ఇండియా ఉద్యోగం, 2. తపాలా శాఖ ఉద్యోగం, 3. ఉపన్యాసకునిగా ఉద్యోగం. మొదటి రెంటినీ వదిలి ముచ్చటగా మూడో దాంట్లో, అంటే వాణిజ్య శాస్త్రోపన్యాసక వృత్తిలో స్థిరపడి, 30 ఏళ్లు పని చేసి 2004లో ఉద్యోగ విరమణ చేశాను.

ఇప్పుడు పొద్దుటే ఉషోదయాన్నే తారల పలకరింత! సూర్యునితో కరచాలనం. భూదేవికి నమోవాక్కులు, వాయువుతో ఆత్మీయ పరిష్వంగం, రోజంతా సూర్యుని రథచక్రాల వెంట పరుగు, మళ్ళీ రాత్రివేళ చుక్కలతో, చంద్రునితో తేనీటి విందు. మధ్యలో వాల్మీకితో సంభాషణ. వేద వ్యాసునితో చర్చాగోష్టి. కాళిదాసాదులతో కవితా కాలక్షేపం! విసుగెత్తితే లతామంగేష్కర్‌, రఫీ, ఆశాభోంస్లే, ఘంటసాల, జానకి, సుశీల వంటి కోకిల కంఠారవాల మధ్య మైమరచిపోవడం. ఏ త్యాగరాజ గానఝరిలోనో, ఏ అన్నమయ్య కీర్తనలోనో కొట్టుకుపోవడం! ఇదీ నా దైనందిన కార్యక్రమ నివేదిక

 నేను నా కవిత్వం ద్వారా పాఠకులకు ఆత్మ వికాసాన్ని కలిగించాను. ఆనందాన్ని పంచిపెట్టాను. కథల ద్వారా జీవన చిత్రాన్ని, సామాజిక చిత్రాన్ని గీసి చూపాను. విమర్శల ద్వారా సాహిత్య రాజకీయాలనీ, కుళ్ళునీ ఎండగట్టాను. రామాయణ, భారత, భాగవతాదుల పరిశోధన ద్వారా ఆత్మ స్వరూపాన్ని, విశ్వ స్వరూపాన్ని, మనకూ విశ్వానికి గల సంబంధ బాంధవ్యాలనీ విడమరచి చెప్పజూస్తున్నాను నాలుగు దృక్కోణాల్లో. ఇలా మానవ జీవితాల్లో వెలుగుల్ని నింపి, తద్వారా సమాజాన్ని, దేశాన్ని, విశ్వాన్ని జ్ఞానమయం (దివ్యం అనగా వెలుగుల మయం) చేయడమే నా ఏకైక లక్ష్యం. ఈ లక్ష్య సాధనకై నన్ను నేను ఒక సమిధలా సమర్పించుకోవాలన్నదే నా జీవన లక్ష్యం. అంతిమ లక్ష్యం.

– గన్ను కృష్ణమూర్తి, కామారెడ్డి

రచనలు

•         నాదమే వేదమ్‌ వేదమే దేవమ్‌
•         తపస్సు (కథా సంపుటి)
•         కవితా కాళింది (కవితా సంపుటి)
•         కత్తుల కౌగిలి (ప్రతీకాత్మక గేయకథాకావ్యము)
•         అడవిపూలు (వచనకవితా సంపుటి)
•         మహాప్రభంజనం (సాహిత్య విమర్శ, ప్రతివిమర్శన, స్పందన, ప్రతిస్పందన, పరిశోధన, లేఖ, గల్పిక ఇత్యాదులు)
•         రాముడంటే ఎవరు? రామాయణమంటే ఏమిటి? : వాల్మీకి రామాయణం ఒక విశ్వరూప సందర్శనం
•         యార్లగడ్డ లక్ష్మీప్రసాద్ వారి వస్త్రాపహరణం
•         అంతరంగ తరంగాలు (మినీ కవితా సంపుటి)
•         అంతరంగం (మినీ కవితా సంపుటి)
•         మహాసంకల్పం (గేయకావ్యం)
•         కృష్ణాయనం (పరిశోధన)
•         కృష్ణవేదం (పద్యాలు)
•         ఈ మట్టి నన్ను వెళ్ళనీదు
•         ఒక మానవతా వృక్షచ్ఛాయలో
•         ఏక్ లహర్ సాగర్‌కీ (కవిత)
•         ఋషి హృదయం
•         కోటి గొంతుకలు (కవితా సంకలనం, సంపాదకత్వం సూరారం శంకర్‌తో కలిసి)

కథలు

ఇతని కథలు ఆంధ్రపత్రిక, ఆంధ్రభూమి, ఆంధ్రప్రభ, జాగృతి, పుస్తకం తదితర పత్రికలలో అచ్చయ్యాయి. ఇతడు వ్రాసిన కథల పాక్షిక జాబితా:

1. అస్థిపంజరం
2. ఆకాశం పందిరిక్రింద
3. ఎంట్రన్స్ కమ్ ఎగ్జిట్
4. ఏటికేతముగట్టి
5. ఓ తాగుబోతు కథ
6. కట్నం
7. కలల టివి పెట్టి
8. కోరిక
9. గోచిగుడ్డ కథ
10.         చిట్టిరెడ్డి…
11.           చిరుగుల ప్రపంచం
12.         చిల్లర కథ
13.                       చీపురు కట్ట
14.                       చూస్కో నా తడాఖా
15.                       జ్ఞానోదయం
16.                       తపస్సు
17.                       తీరిన కోరిక
18.                       పండగ
19.                       పాపం పందికూన
20.                       పారిపోలేని చిలక
21.                       పీడకల
22.                       పొరపాటు
23.                       బూర్జువా
24.                       మనిషి–జంతువు
25.                       మనుష్యులకోసం
26.                       మల్లెతోట…
27.                       మోడరన్ ఆర్ట్
28.                       రాతిముక్క
29.                       విశ్వాసం
30.                       సచ్చినోడి కథ
31.                       సమ్మె
32.                       సాక్షాత్కారం

33.        సామాన్యుడి స్వగతం

———–