| పేరు (ఆంగ్లం) | Koruprolu Madhavarao |
| పేరు (తెలుగు) | కోరుప్రోలు మాధవరావు |
| కలం పేరు | – |
| తల్లిపేరు | రంగనాయకమ్మ |
| తండ్రి పేరు | కొరుప్రోలు వెంకటేశ్వరరావు |
| జీవిత భాగస్వామి పేరు | ఆండాళ్ |
| పుట్టినతేదీ | 04-09-1960 |
| మరణం | – |
| పుట్టిన ఊరు | చెఱువుమాధవరం ఖమ్మం జిల్లా , తెలంగాణ |
| విద్యార్హతలు | తెలుగులో ఎమ్ ఎ పట్టా |
| వృత్తి | తెలుగు గజల్ రచయిత మిధాని ప్రభుత్వరంగ సంస్థలో ఇంజనియర్ |
| తెలిసిన ఇతర భాషలు | – |
| చిరునామా | హైదరాబాద్ , తెలంగాణ |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | 1. నిశ్శబ్ధనాట్యం (కవితా సంకలనం) 2. రాగదార (లలిత గీతాలు) 3. ప్రియధరిత్రి (దేశభక్తి గీతాలు) 4. వేణురాగం (కృష్ణ భక్తి గీతాలు) 5. యువవసంత గీతిక (లలిత గీతాలు) 6. శ్రీ సాయి గీతావళి (భక్తి గీతాలు) 7. వినవో నా పాట వేంకటేశా (భక్తి గీతాలు) 8. దండక రత్నమాల (ఏకాదశ దండకాలు) 9. సాయి మాధవోక్తి (ఆటవెలది పద్యసహస్రం) 10. శ్రీ సాయి సచ్చరిత్ర (నిత్యపారాయణ గ్రంథం) 11. శ్రీ పత్రిమాధవోక్తి (ఆటవెలది పద్యశతకం) 12. తెలుగుపద్య వసంతం (ఉత్పలమాల ద్విశతి) 13. మాధవమోదారాలు (తెలుగు గజళ్ళు) [2] 14. ధ్యాన మాధవోక్తి (ఆటవెలది పద్యాలు) 15. మాధవ మందారాలు-2 (తెలుగు గజళ్ళు) 16. మాధవ మంజరి (తెలుగు గజల్ మాలిక) 17. మాట్లాడే మౌనం (కవితా సంకలనం) |
| ఇతర రచనలు | – |
| ఈ-పుస్తకాల వివరాలు | https://telugupoets.com/%E0%B0%AE%E0 |
| పొందిన బిరుదులు / అవార్డులు | – |
| ఇతర వివరాలు | కోరుప్రోలు మాధవరావు తెలుగు గజల్ రచయిత.[1] 2014 డిశంబరు నుండి నేటివరకు నిర్విరామంగా గజల్ రచనా యజ్ఞంలో నిమగ్నమై దాదాపు 6000 గజల్స్ వ్రాశారు.[2] కవిత్వం, దేశభక్తి గీతాలు, లలిత గీతాలు, భక్తి గీతాలు, పద్య శతకాలు, గజళ్ళతో పుస్తకాలు ప్రచురించాడు. |
| స్ఫూర్తి | – |
| నమూనా రచన శీర్షిక | కాఫీ( గజల్) – కొరుప్రోలు మాధవరావు |
| సంగ్రహ నమూనా రచన | కాఫీ( గజల్) – కొరుప్రోలు మాధవరావు ఎలానీకు త్రాగించను.. జ్ఞాపకాల కాఫీని..! ఒక్కతినే త్రాగుటెలా.. వియోగాల కాఫీని..! వస్తానని రాకుండా.. వే ధించుట భావ్యమా.. సేవించే భాగ్యమెపుడు.. కులాసాల కాఫీని..! చిరునామా ఇవ్వలేదు.. కబురుఎలా పంపడం.. ప్రేమిస్తే పంచాలోయ్.. ప్రమోదాల కాఫీని..! మనసుకష్ట మెంతంటే.. మాటలకేం తెలుసులే.. చూపులతో ఇవ్వాలోయ్.. సరాగాల కాఫీని..! |
కోరుప్రోలు మాధవరావు
కాఫీ( గజల్) – కొరుప్రోలు మాధవరావు
ఎలానీకు త్రాగించను.. జ్ఞాపకాల కాఫీని..! ఒక్కతినే త్రాగుటెలా.. వియోగాల కాఫీని..! వస్తానని రాకుండా.. వే ధించుట భావ్యమా.. సేవించే భాగ్యమెపుడు.. కులాసాల కాఫీని..! చిరునామా ఇవ్వలేదు.. కబురుఎలా పంపడం.. ప్రేమిస్తే పంచాలోయ్.. ప్రమోదాల కాఫీని..! మనసుకష్ట మెంతంటే.. మాటలకేం తెలుసులే.. చూపులతో ఇవ్వాలోయ్.. సరాగాల కాఫీని..! నీతోనే బ్రతుకంటివి.. గుండెసడిగ మారితివి.. వమ్ముచేసి ఒంపేయకు.. నమ్మకాల కాఫీని..! చిత్తరువై తనువున్నది.. వీధితలుపు కానుకుని.. అందుకోర చెలిమిమీర.. సుగంధాల కాఫీని..! రాలుమంచు పూలనడుమ.. బంధమేదొ మాధవా.. మరువలేను నీ నవ్వుల.. తరంగాల కాఫీని..!
నీ హాసమె నా ఊయల- కొరుప్రోలు మాధవరావు
ఊపిరులకు వేదమైన.. నీ హాసమె నా ఊయల..!!
హృదయ వేణు నాదమైన.. నీ హాసమె నా ఊయల..!!
ఎలకోయిల మనసు గళము ఏలుచున్నమహరాణీ..!!
కలహంసల వాసమైన.. నీ హాసమె నా ఊయల..!!
ఏ తారల భాష ఏమొ..వివరించే మృదు భాషిణి..!!
పాలపుంత భాసమైన.. నీ హాసమె నా ఊయల..!!
తలపు తలపు వలపు వీణ..తరుణములో మీటేవా..!!
ఊహ మాటు మౌనమైన.. నీ హాసమె నా ఊయల..!!
పరవశించు పరిమళాల పానశాల చేర్చేవా..!!
సరసభావ గానమైన.. నీ హాసమె నా ఊయల..!!
‘మాధవు’డే పలకరింప..పులకరించు ఓ రాధా..!!
అమృత మధుర ధ్యానమైన.. నీ హాసమె నా ఊయల..!!
———–
