| పేరు (ఆంగ్లం) | Dhamera Ramulu |
| పేరు (తెలుగు) | దామెర రాములు |
| కలం పేరు | – |
| తల్లిపేరు | నరసమ్మ |
| తండ్రి పేరు | మెట్టయ్య |
| జీవిత భాగస్వామి పేరు | శోభారాణి |
| పుట్టినతేదీ | 19/07/1954 |
| మరణం | – |
| పుట్టిన ఊరు | వరంగల్ జిల్లా గీసుకొండ మండలం శాయంపేట్ గ్రామం |
| విద్యార్హతలు | గాంధీ వైద్యకళాశాల నుండి ఎం.బి.బి.యస్ చేసి కాకతీయ విశ్వవిద్యాలయంలో ఎం.డి.చదివాడు |
| వృత్తి | వైద్యుడు |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | 1. కోరస్ 2. నెత్తుటి వెన్నెల 3. జయహే తెలంగాణా 4. కొర్రాయి[3] 5. అసలు ముఖం[4] 6. దామెర కవితాసర్వస్వం[5] 7. దామెర కవితానుశీలన 8. అక్షరకవాతు 9. నిప్పులు 10. గంగమ్మ కథలు 11. సాహిత్యవ్యాసాలు |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | • వచన కవిత విభాగంలో తెలుగు విశ్వవిద్యాలయ కీర్తి పురస్కారం (2013) • రంజని-కుందుర్తి అవార్డు • కళాలయ అవార్డు • ఎక్స్‌రే అవార్డు • సి.నా.రె. సాహిత్యపురస్కారం • చికిత్సారత్న బిరుదు |
| ఇతర వివరాలు | దళిత కుటుంబంలో పుట్టిన ఇతడు సమాజం నుండి వివక్షను, అవమానాలను ఎదుర్కొని వాటిని అధిగమించడానికి విద్యార్థి దశనుండే వామపక్ష భావాలకు ఆకర్షితుడై ఉద్యమాలవైపు మళ్లి అక్షరాన్నే ఆయుధంగా మలుచుకున్నాడు. విప్లవ విద్యార్థి సంఘాలలో చురుకుగా పాల్గొన్నాడు |
| స్ఫూర్తి | – |
| నమూనా రచన శీర్షిక | విరామం ఓటమి కాదు -దామెర రాములు |
| సంగ్రహ నమూనా రచన | విరామం ఓటమి కాదు -దామెర రాములు తొక్కి పట్టినం పాడుతున్న గొంతుని ఎత్తిపట్టిన పిడికిలిని బూటుకాళ్లకింద అణగ దొక్కినం ఇగ వాడు లేసుడు కల్ల గొంతునిండా బలం పిండుకుని పాడటం భ్రమ అని.. |
దామెర రాములు
విరామం ఓటమి కాదు
తొక్కి పట్టినం
పాడుతున్న గొంతుని
ఎత్తిపట్టిన పిడికిలిని
బూటుకాళ్లకింద అణగ
దొక్కినం ఇగ
వాడు లేసుడు కల్ల
గొంతునిండా బలం పిండుకుని
పాడటం భ్రమ అని..
ప్రజల చెమటని క్రూర పరిహాసం చేసేవాళ్లు
అధికార ధన మదాంధతతో
అన్నూ మిన్నూ కానని వాళ్లు
పండుగ జేసుకుంటున్నరు
నవ్వులు రువ్వుకుంటున్నరు
కేరింతల్తో మత్తులో
మైమరిచి జోగుతున్నరు
అయినా వాడు లేస్తడు
గొంతు సవరించుకుంటడు
సవరించుకున్న గొంతు సుళ్లు తిరిగి
జడవిచ్చుకునే సమువూదమైతది
చేతివేళ్లు పిడికిలిగా బిగుసుకుంటై
వాడి చేయి శూలాయుధమైతది
వాడు లక్ష్యం విస్మరించడు
వాని పని అయిపోయిందనుకోవద్దు
వాడు మళ్లీ మళ్లీ లేస్తూనే ఉంటాడు
వాడి ఆకాంక్ష ఆవేదన అలజడి ఆందోళన
ఆరాటం దేనికోసమో
చర్చ చేయనంతకాలం
సానుకూల పరిష్కారం రానంతకాలం
వాడు పాడుతూనే ఉంటాడు
వానిపాట నదీ నదాలు
అడవులు పంటపొలాలు
గుట్టలు గుహలూ
భూన భోంతరాళం
మార్మోగుతోంది
నినాద సందేశమై
ఫేసు బుక్కులో
పరివ్యాప్తమౌతోంది
ఆకట్టుకుని ఆలోచింపజేసే
వాడిపాట ఉత్తేజ తరంగాలుగా
పరివర్తన చెంది ప్రసారమై
కర్తవ్యోన్ముఖుల్ని చేస్తోంది
జవసత్వాలు కూడదీసుకున్న
వాడి పిడికిలి ప్రకంపనాలకు
ధృతరాష్ట్ర పీఠాలు కుప్పకూలక తప్పదు
వాడి లక్ష్యం నెరవేరక తప్పదు
వాణ్ణి తొక్కేసినమని ఏమాత్రం
విర్రవీగి విందులు చేసుకోవద్దు
వాడు అజేయ ప్రజాబలసంపన్నుడు
ఉద్యమ వీరుడు
భవిష్యత్తరానికి
స్ఫూర్తి ప్రదాత…
———–
