| పేరు (ఆంగ్లం) | Potthuri Vijayalakshmi |
| పేరు (తెలుగు) | పొత్తూరి విజయలక్ష్మి |
| కలం పేరు | – |
| తల్లిపేరు | వల్లూరి సత్యవాణి |
| తండ్రి పేరు | వల్లూరి వెంకటకృష్ణమూర్తి |
| జీవిత భాగస్వామి పేరు | పీ.వీ. శివరావు |
| పుట్టినతేదీ | 18-07-1953 |
| మరణం | – |
| పుట్టిన ఊరు | యాజలి గ్రామం, గుంటూరు జిల్లా |
| విద్యార్హతలు | – |
| వృత్తి | రచయిత్రి |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | మొదటి నవల ప్రేమలేఖ. ఇది శ్రీవారికి ప్రేమలేఖ అనే సినిమాగా తీయబడింది. ఈమె మొత్తం మీద 200 కథలు, 14 నవలలు, 3 సినిమాలు, 2 టీవీ సీరియల్స్ రూపొందించారు. ఈమె రచనలు రేడియోలో నాటికలుగా ప్రసారమయ్యాయి. ఈమె రాసిన హాస్య కథలు “పొత్తూరి విజయలక్ష్మి హాస్యకథలు, మా ఇంటి రామాయణం, చంద్ర హారం, అందమె ఆనందం అనే హాస్యకథా సంపుటాలుగా వెలువడ్డాయి |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | • 2007లో పొట్టిశ్రీరాములు తెలుగు విశ్వవిద్యాలయం వారి ధర్మనిధి పురస్కారం • 2007లో తురగా కృష్ణమోహనరావు గారి స్మారక పురస్కారం • 2009లో శేషారత్నం స్మారక హాస్యకథా పురస్కారం |
| ఇతర వివరాలు | నవలతో పాఠక లోకానికి పరిచయమైన విజయలక్ష్మి తన కథలతో పాఠకులకు చేరువై, మన్నన పొందారు. చక్కని కథా వస్తువు, సునిశిత హాస్యం, కొంత వ్యంగ్యం, మోతాదు మించని రచనా శైలి పాఠకులను ఏకబిగిన కథలను చదివిస్తాయి. ఎప్పటికప్పుడు సమాజములోను, ప్రజల జీవితాలలోను చోటు చేసుకునే మార్పులు, వాటి వల్ల కలిగే ఇబ్బందులు, వచ్చి పడే సమస్యలు, తెచ్చి పెట్టుకునే తంటాలు, పరిష్కారాలు తెలియక, తెలిసినా అమలు చేత కాక పడే తిప్పలను హాస్యం, వ్యంగాలను మేళవించి ప్రస్తావిస్తారు. మనుషుల ఆలోచనలు, అలవాట్లలోని లోపాలను ఎత్తిచూపుతూ కొన్ని పరిష్కారాలను కూడా చూపెడతారు. శ్రీమతి విజయలక్ష్మి కథలు అన్నీ దాదాపు కుటుంబం, కుటుంబ సభ్యుల మధ్యనే తిరుగుతుంటాయి. తరాల అంతరం, మనస్తత్వాలు, వాటి వల్ల ఏర్పడే సంఘర్షణ వంటి వాటిని మోతాదు మించకుండా చిత్రించడం వల్లనే శ్రీమతి విజయలక్ష్మి కథలు రక్తి కడతాయి. ఈమె కథలలో అశ్లీలం, అసభ్యత మచ్చుకకు కనిపించక పోగా, చాల మటుకు పాత్రలు సంస్కారవంతగా ఉండి, ఆశావహ దృక్పథంతో నడుచుకుంటాయి. |
| స్ఫూర్తి | – |
| నమూనా రచన శీర్షిక | శ్రీవారి ప్రేమలేఖ’ సినిమా మూల కథే ఈ పుస్తకంలోని నవల-పొత్తూరి విజయలక్ష్మి. |
| సంగ్రహ నమూనా రచన | శ్రీవారి ప్రేమలేఖ’ సినిమా మూల కథే ఈ పుస్తకంలోని నవల. మధ్యాహ్నం పన్నెండున్నర అయింది. వేసవి ఎండా మండిపోతుంది. రోడ్లన్నీ ఖాళీగా ఉన్నాయి. ‘ఎందుకొచ్చిన ఖర్మరా దేవుడా!’ అనుకుంటూ విధి లేక తప్పనిసరిగా తిరుగుతున్న కొంతమంది తప్ప మిగతా అందరూ ఇళ్లలోనే ఉన్నారు. కూల్ డ్రింకులు, సోడాలు, కొబ్బరి బో౦డాలకి మహా డిమాండ్ గా ఉంది. అలా౦టి సమయంలో ఆ బాధ తెలిసే అవకాసం లేని ఏ.సి.రూమ్ లో రివాల్వింగ్ చైర్ లో కూర్చుని ఏవో పేపర్లు చూస్తున్నాడు ఆనందరావు. |
పొత్తూరి విజయలక్ష్మి
ప్రముఖ కథా రచయిత్రి. ఈవిడ హాస్య కథలకు, నవలలకూ ప్రసిద్ధురాలు.
‘శ్రీవారి ప్రేమలేఖ’ సినిమా మూల కథే ఈ పుస్తకంలోని నవల.
మధ్యాహ్నం పన్నెండున్నర అయింది. వేసవి ఎండా మండిపోతుంది. రోడ్లన్నీ ఖాళీగా ఉన్నాయి. ‘ఎందుకొచ్చిన ఖర్మరా దేవుడా!’ అనుకుంటూ విధి లేక తప్పనిసరిగా తిరుగుతున్న కొంతమంది తప్ప మిగతా అందరూ ఇళ్లలోనే ఉన్నారు. కూల్ డ్రింకులు, సోడాలు, కొబ్బరి బో౦డాలకి మహా డిమాండ్ గా ఉంది. అలా౦టి సమయంలో ఆ బాధ తెలిసే అవకాసం లేని ఏ.సి.రూమ్ లో రివాల్వింగ్ చైర్ లో కూర్చుని ఏవో పేపర్లు చూస్తున్నాడు ఆనందరావు.
మెల్లిగా శబ్దం చెయ్యకుండా తలుపు తెరుచుకుంది. అతని సెక్రటరీ మార్గరెట్ హైహీల్స్ శబ్దం రాకుండా మెల్లిగా నడుచుకుంటూ వచ్చి అతని ముందున్న పెద్ద టేబుల్ మీద లెటర్స్ ఉంచింది. ఒకసారి మార్గరెట్ వంక చూసి, ఆ లెటర్స్ అన్నీ చదివి చూసుకొని టకటక సంతకాలు పెట్టి అందించాడు. అందుకొని వెళ్ళిపోయింది మార్గరెట్.
తల ఎత్తి వాల్ క్లాక్ వైపు చూశాడు. ఒంటిగంట. మెల్లిగా లేచి తలుపు తెరుచుకొని బయటికి వచ్చాడు. అలవాటు ప్రకారం మార్గరెట్ టేబుల్ దగ్గర ఆగాడు. అతన్ని చూస్తూనే లేచి నిలబడి చిరునవ్వు నవ్వి “ఇవిగోండి సార్” అని అతని పర్సనల్ లెటర్స్ అందించింది.
“థ్యాంక్యూ” అనేసి లెటర్స్ జేబులో పెట్టుకొని టకటక కిందకి వచ్చాడు. తర్వాత ఏమైందో తెలుసుకోవాలంటే ఈ నవల చదవాల్సిందే.
– పొత్తూరి విజయ లక్ష్మి
https://in.pinterest.com/pin/330170216415998348/
పొత్తూరి విజయలక్ష్మి హాస్య కథలు – రివైజ్డ్(Pothuri Vijayalakshmi Hasya Kathalu Revised) By Pothuri Vijayalakshmi – తెలుగు పుస్తకాలు Telugu books – Kinige
Pothuri Vijayalakshmi Hasya Kathalu Revised By Pothuri Vijayalakshmiశ్రీమతి పొత్తూరి విజయలక్ష్మి రచించిన హాస్యకథల సంపుటం ఇది. 24 కథలున్న ఈ సంపుటిలో ప్రతీ కథా హాయిగా నవ్విస్తుంది. చతురమైన సంభాషణలతో, అమాయకత్వంతో కూడిన సునిశిత హాస్యం అన్ని కథలలోనూ ఉంది. మచ్చుకి ఓ కథలోని సరదా ఘట్టం…. ***** పిల్లలకీ మేస్టార్లకీ మా అమ్మమ్మ నెత్తిమీద దేవత. వాళ్ళు గౌరవిస్తున్న కొద్దీ చనువు ఎక్కువయింది. అన్నిటా తలదూర్చడం ప్రారంభించింది. ఒకరోజు దక్షిణం వైపు కూర్చుని అరటి దూట తరుక్కుంటోంది. పక్కన స్కూల్లో…
———–
