| పేరు (ఆంగ్లం) | Dr. Gumma Sambasivarao |
| పేరు (తెలుగు) | డా. గుమ్మా సాంబశివరావు |
| కలం పేరు | – |
| తల్లిపేరు | పార్వతమ్మ |
| తండ్రి పేరు | అయితమరాజు |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | గుంటూరు జిల్లా, చేబ్రోలు మం. వేజెండ్ల |
| విద్యార్హతలు | పి.హెచ్.డి. కూడా నాగార్జున విశ్వవిద్యాలయం (1985) లోనే అన్నమాచార్య సంకీర్తనముల లోని వర్ణనలు అనే అంశంపై పరిశోధించాడు. |
| వృత్తి | సమీక్షకుడు, కవి, రచయిత, ఉపన్యాసకుడు ఆశుకవి, ఉపన్యాస కేశరి, ఉత్తమ అధ్యాపక ఆంధ్ర లొయోల కళాశాల, విజయవాడలో తెలుగు అధ్యాపకుడు |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | http://www.andhraloyolacollege.ac.in |
| స్వీయ రచనలు | 1. అన్నమాచార్య సంకీర్తనములలోని వర్ణనలు – 1990 2. ప్రాచీనాంధ్ర కవయిత్రుల స్త్రీ స్వభావ చిత్రణం – 1991 3. అన్నమయ్య (నవల) – 2000 4. సెల్ ఫోను శతకము – 2005 5. సాహిత్యం – సామాజిక చైతన్యం (వ్యాససంపుటి) – 2008 6. శ్రీ వెంకటాద్రీశ్వర శతకం – 2009 7. తెలుగు బాల శతకం – 2010 8. మహాకవి శ్రీ శ్రీ శతకం – 2010 9. తెలుగు సాహిత్య చరిత్రకారులు – 2011 10. కన్యాశుల్కంలో హాస్యం – 2011 11. ఆంధ్ర వాఙ్మయ చరిత్ర రచయితలు – 2012 12. గుఱ్ఱం జాషువ శతకం – 2013 13. సి . నా . రే . శతకం – 2013 ముద్రణకు సిద్ధం[మార్చు] 1. అన్నమయ్య భక్తిపద కవిత 2. జాషువా సాహిత్య సమీక్ష 3. సాహితీ సౌరభం 4. సూక్తి మాలిక. |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | 1. యు.జి.సి.కెరీర్ అవార్డు – తెలుగు జానపద ప్రదర్శన కళారంగం అనే ప్రాజెక్ట్ కు (1992-1995). 2. సెల్ ఫోన్ శతకానికి ఉత్తమ శతక రచన బహుమతి – నల్లజర్ల జగన్నాధ సాహితీ సమాఖ్య 2006. 3. నత్తవిలాపం పద్య ఖండికకు సాహితీ మిత్రులు మచిలీపట్నం వారి జాతీయ స్థాయి ప్రథమ బహుమతి – 2007. 4. ఆంధ్రప్రభ దినపత్రిక నిర్వహణలో జరిగిన పుస్తక సమీక్షల పోటీలో ప్రథమ బహిమతి – 2007. 5. ఆంధ్రప్రదేశ్ రాష్ట్ర ప్రభుత్వ ఉత్తమ అధ్యాపక అవార్డు సెప్టెంబరు 5 – 2008. 6. మా నాన్నకవితకు హైదరాబాద్ కిన్నెర ఆర్ట్ థియేటర్స్ వారిచే ప్రథమ బహుమతి. 7. ఉగాది పురస్కారం – 2016 |
| ఇతర వివరాలు | ఆంధ్రోపన్యాసకత్వం : 1981 సెప్టెంబరు నుండి 1988 జూలై వరకు సప్తగిరి కళాశాల విజయవాడ. 1988 ఆగస్టు నుండి, ఆంధ్ర లయోల కళాశాల, విజయవాడ ఉద్యోగం చేశాడు. తన పరిశోధక పర్యవేక్షణలో పది మంది విద్యార్థులు తమ ఎం. ఫిల్. సిద్దాంత వ్యాసాలు విశ్వవిద్యాలయానికి సమర్పించారు. వీరు 60 కి పైగా ఆకాశవాణి విజయవాడ కేంద్రం నుంచి, 9 దూరదర్శన్ కార్యక్రమాలు చేశారు. వీరు జాతీయ/రాష్ట్రస్థాయి సదస్సులలో 50 కి పైగా ప్రసంగా పత్రాల సమర్పించగా 5 అంతర్జాతీయ సదస్సులలో పాల్గొన్నారు. |
| స్ఫూర్తి | – |
| నమూనా రచన శీర్షిక | నీలగిరి పాటల సౌందర్యం-డా. గుమ్మా సాంబశివరావు |
| సంగ్రహ నమూనా రచన | నీలగిరి పాటల సౌందర్యం-డా. గుమ్మా సాంబశివరావు గురజాడ బహుముఖ ప్రతిభావంతుడనటానికి ఆయన రచనలు సాక్ష్యంగా నిలుస్తాయి. ప్రారంభదశలో పద్యాలు రచించాడు. ఆంగ్ల రచనలు గావించాడు. అయితే సామాజిక అవసరాన్ని గుర్తించి తన రచనాపథాన్ని మార్చుకొని సాహిత్యలోకానికి మేలు చేశాడు. కథాగేయరచనం, కథానికా రచనం, ముత్యాల సరాల సృష్టి, వ్యావహారికంలో నాటక రచన గురజాడను మహారచయితగా నిలబెట్టాయి. ఆంగ్లగ్రంథాలనెన్నిటినో చదివిన గురజాడ పాశ్చాత్య సాహిత్య ధోరణులతో పరిచయం పెంచుకొన్నాడు. కొత్త ఆలోచనలతో రచనలు వెల్లడించాడు. |
డా. గుమ్మా సాంబశివరావు
నీలగిరి పాటల సౌందర్యం
– తొలి సంచిక
ఆధునికాంధ్ర సాహిత్యానికి యుగకర్తగా ప్రసిద్ధిపొందిన
గురజాడ అప్పారావు పుట్టి 158 సంవత్సరాలైనా
ఇప్పటికీ ఆంధ్రసాహిత్య ప్రపంచంలో ఆయన సాహిత్యాన్ని
గూర్చి చర్చలు జరుగుతూనే ఉన్నాయి. గోష్ఠుల నిర్వహణ
సాగుతూనే ఉంది. గురజాడ అప్పారావు మహాకావ్యాలు
రాయకపోయినా మానవతా దృక్పథాన్ని ప్రబోధించాడు.
సంస్కరణ దృక్పథాన్ని వెల్లడించారు. ఆంగ్లాంధ్ర రచనలు
సాగించాడు. గురజాడ దేశభక్తి గీతం విశ్వభక్తి గీతంగా
ప్రశంసలందుకొంది.
గురజాడ బహుముఖ ప్రతిభావంతుడనటానికి ఆయన
రచనలు సాక్ష్యంగా నిలుస్తాయి. ప్రారంభదశలో పద్యాలు రచించాడు. ఆంగ్ల రచనలు
గావించాడు. అయితే సామాజిక అవసరాన్ని గుర్తించి తన రచనాపథాన్ని మార్చుకొని
సాహిత్యలోకానికి మేలు చేశాడు. కథాగేయరచనం, కథానికా రచనం, ముత్యాల సరాల
సృష్టి, వ్యావహారికంలో నాటక రచన గురజాడను మహారచయితగా నిలబెట్టాయి.
ఆంగ్లగ్రంథాలనెన్నిటినో చదివిన గురజాడ పాశ్చాత్య సాహిత్య ధోరణులతో పరిచయం
పెంచుకొన్నాడు. కొత్త ఆలోచనలతో రచనలు వెల్లడించాడు.
ప్రజల దగ్గరకు సాహిత్యం వెళ్ళినప్పుడే ప్రయోజనకరంగా ఉంటుందని గుర్తించిన
గురజాడ ప్రజలభాషలో రచనలు చేశాడు. గేయరూపంలో సందేశాన్ని అందిస్తే అది
త్వరగా ప్రజల్ని చేరుతుందని గేయరచన గావించాడు. సాహిత్య ప్రక్రియల్లో నాటకానికున్న
బలాన్ని గుర్తించి వ్యావహారికంలో, మాండలికంలో ‘కన్యాశుల్కము’ నాటకాన్ని
రచించాడు. ఆనాటి సమాజాన్ని ప్రతిబింబింపచేశాడు. గురజాడలో అద్భుతమైన భావుకత,
సంగీతవైదుష్యం ఉన్నదని చెప్పటానికి ఆయన రచించిన నీలగిరి పాటలు నిలువెత్తు
నిదర్శనాలు. గురజాడ నీలగిరి పాటల సౌందర్యాన్ని వివరించే ప్రయత్నమే ఈ వ్యాసం.
విజయనగర సంస్థానం మీద దాయాదులు తెచ్చిన దావాని నడిపించటానికి, సంస్థాన
సంబంధమైన ఇతర విషయాల్ని పర్యవేక్షించటానికి శ్రీ అలక రాజేశ్వరీ మహారాణీ వారి
కుమార్తె మహారాణీ అప్పలకొండయాంబ సహాయం చేస్తూ ఉండేది. అలక రాజేశ్వరీ
మహారాణి వారు మరణించిన తర్వాత భారమంతా అప్పలకొండయాంబమీద పడింది.
గురజాడ అప్పారావుగారు మహారాణీ అప్పలకొండయాంబ ఆంతరంగిక కార్యదర్శిగా
———–
