| పేరు (ఆంగ్లం) | Chellapilla Shyamala |
| పేరు (తెలుగు) | చెళ్లపిళ్ల శ్యామల |
| కలం పేరు | – |
| తల్లిపేరు | – |
| తండ్రి పేరు | – |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | – |
| విద్యార్హతలు | – |
| వృత్తి | – |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | – |
| ఇతర రచనలు | https://www.neccheli.com/2021/05/%e0%b |
| ఈ-పుస్తకాల వివరాలు | – |
| పొందిన బిరుదులు / అవార్డులు | – |
| ఇతర వివరాలు | చెళ్ళపిళ్ళ శ్యామల ఉపాధ్యాయిని. నివాసం విజయనగరం. ప్రవేశమున్న ప్రక్రియలు వచన కవిత, మినీ కవిత, పాట, వ్యాసం. బాలగేయాలు “పలకరింపులు” మినీ కవితా సంకలనం 2000 లో ప్రచురితమైంది. అనేక దిన వార మాస పత్రిక లలో కవితలు, కథలు, పాటలు ప్రసారం అయ్యాయి. |
| స్ఫూర్తి | – |
| నమూనా రచన శీర్షిక | కవిత్వం ఎలా ఉండాలి? (కవిత) |
| సంగ్రహ నమూనా రచన | కవిత్వానికి చేతులు ఉండాలి పక పక నవ్వే పాల బుగ్గలని ఎంగిలి చేసిన కందిరీగలని తరిమి కొట్టే చేతులుండాలి…. |
చెళ్లపిళ్ల శ్యామల
కవిత్వం ఎలా ఉండాలి? (కవిత)
కవిత్వానికి చేతులు ఉండాలి
పక పక నవ్వే పాల బుగ్గలని
ఎంగిలి చేసిన కందిరీగలని
తరిమి కొట్టే చేతులుండాలి
కిలకిల నవ్వుల పువ్వులని
కాలరాసే కాల నాగులని
ఎదురించే చేతులుండాలి
తలరాతని తల్లకిందులు చేసే
తోడేళ్లని మట్టుబెట్టే చేతులుండాలి
ఆపదలో అండగా నిలిచి
అన్యాయాన్ని ధైర్యంగా ఎదురించే
చేవగల చేతులు ఉండాలి
కవిత్వానికి కాళ్ళు ఉండాలి
కన్నీటి కథలని కనుక్కుంటూ
మట్టి బతుకులని తెలుసుకుంటూ
గూడేల వెతలని వెతుక్కుంటూ… కాళ్ళు
మైదానం నుంచి మట్టిలోకి
మట్టి లోంచి అరణ్యంలోకి
నడుచుకు పోవాలి
కవిత్వానికి చూపు ఉండాలి
వాస్తవాలను వెతికి పట్టుకో గల
నేర్పు ఉండాలి
గతాన్ని పరిశోధించి
వర్తమానాన్ని పరిశీలించి
భవిష్యత్ ను అంచనా వేయగల
లోచూపు ఉండాలి
కవిత్వానికి నోరు ఉండాలి
అణగ దొక్కబడ్డ గొంతులను శృతి చేసి
మేలు కొలిపే గళముండాలి
దాచి పెట్టిన గాయాల్ని
గేయాలుగా మార్చి
గొంతెత్తి వినిపించాలి
నొక్క బడ్డ నోళ్లని తెరిపించి
వాస్తవాన్ని వినిపించగల
గొంతు ఉండాలి
కవిత్వానికి చెవులు ఉండాలి
నిశీధి చాటున జరిగే
రాక్షస క్రీడల గాటుకి
గిలగిల మంటున్న
నిశ్శబ్ద మౌన రాగాల్ని
వినగలగాలి
కవిత్వానికి హృదయం ఉండాలి
మౌనంగా నాల్గు మాట్లాడి
మనిషిని హత్తు కో వాలి
వెంటాడే జ్ఞాపకమై
మనసుని తట్టి లేపాలి
గుండె కొమ్మన
వసంతమై చిగురించాలి.
———–
