| పేరు (ఆంగ్లం) | Santhi Krishna |
| పేరు (తెలుగు) | శాంతి కృష్ణ |
| కలం పేరు | శాం. |
| తల్లిపేరు | – |
| తండ్రి పేరు | – |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | – |
| విద్యార్హతలు | – |
| వృత్తి | – |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | – |
| ఇతర రచనలు | https://www.neccheli.com/2020/09/%e0%b0%ae |
| ఈ-పుస్తకాల వివరాలు | – |
| పొందిన బిరుదులు / అవార్డులు | – |
| ఇతర వివరాలు | నా పేరు శాంతి కృష్ణ. కలం పేరు శాం. పుట్టింది , పెరిగింది , చదువు అన్నీ ఆంధ్రప్రదేశ్ లోని రాయలసీమలో. వివాహానంతరం నెల్లూరు. ప్రస్తుతం హైదరాబాద్. కవిత్వం, సాహిత్య విమర్శలు రాస్తుంటాను. ఇటీవల ఆవిష్కరించబడిన నా కవిత్వ సంపుటి “చినుకు తాకిన నేల”….. “తెలుగు సాహితీవనం” ఫేస్బుక్ సమూహం అడ్మిన్ గా ప్రతి నెల రెండు సాహిత్య పోటీలను ని‌ర్వహిస్తుంటాను. |
| స్ఫూర్తి | – |
| నమూనా రచన శీర్షిక | మెరుస్తోన్న కలలు (కవితలు) |
| సంగ్రహ నమూనా రచన | రేయంతా తెరలు తెరలుగా కమ్మిన కలలు కను రెప్పలపై హిందోళం పాడుతున్నాయి…. |
శాంతి కృష్ణ
మెరుస్తోన్న కలలు (కవితలు)
రేయంతా తెరలు తెరలుగా
కమ్మిన కలలు
కను రెప్పలపై హిందోళం పాడుతున్నాయి….
నీ రాకను ఆస్వాదించిన గాలి
తన మేనికి ఎన్ని గంధాలు అలదుకుందో….
మగతలోనూ ఆ పరిమళం
నన్ను మధురంగా తాకిన భావన…
ఓయ్ వింటున్నావా….
ఒక్కో చినుకు సంపెంగలపై
జారుతున్న ఆ చప్పుడును….
ఇప్పుడు నా కలలకు నేపధ్య సంగీతమవే…
వర్షం ఇష్టమని చెప్పిన సాక్ష్యంలా
నీతో పాటు ఇలా ప్రతిరేయి పలుకరించే చిరుజల్లుకి…
ఋతువులతో పని ఏముంది…
వాన పాటకు కదిలే చిరుకొమ్మకు
వలపు నాట్యం నేర్పాలా…
మెరుపు తీగలను దాచుకున్న మేఘానికి
వెలుగు రేఖలు అద్దాలా…
మనసు వనంలో పూసిన పూలకు
చిరునామా వెతకడమెందుకు…
ఇపుడెన్ని కలలు తడవాలో
నీ వలపు వర్షానికి…
సుతారంగా చెంపను తాకిన
చిరు వెలుగుపై
అంత చిరుకోపమెందుకో…
తూరుపు నింగిపై
ఎన్ని కుంకుమ రేఖలో…
సిగ్గిల్లిన మోవిని అద్దంలో
చూసినట్లుగా….
ఆరు బయట అదే పనిగ
కురిసిన వర్షంలో….
మెరుస్తోన్న నా కలలు…
మనసంతా నువ్వేనని
వేడుక చేస్తున్నాయిపుడు…
తెలుసా….!!
———–
