| పేరు (ఆంగ్లం) | Narayanaswamy Venkatayogi |
| పేరు (తెలుగు) | నారాయణస్వామి వెంకటయోగి |
| కలం పేరు | – |
| తల్లిపేరు | – |
| తండ్రి పేరు | – |
| జీవిత భాగస్వామి పేరు | – |
| పుట్టినతేదీ | – |
| మరణం | – |
| పుట్టిన ఊరు | సిద్ధిపేట |
| విద్యార్హతలు | – |
| వృత్తి | కవి, రచయిత |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | – |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | – |
| ఇతర వివరాలు | – |
| స్ఫూర్తి | – |
| నమూనా రచన శీర్షిక | చిన్నతనం |
| సంగ్రహ నమూనా రచన | చిన్నప్పుడు నేనెప్పుడు పాలు తాగిన్నో తెలియదు! పోయే ప్రాణం నిలిపెటందుకు ఏ చల్లని తల్లో అందించిన మొదటి అమృతధార – చెంప మీద గరుకు మరక. |
నారాయణస్వామి వెంకటయోగి
చిన్నప్పుడు
నేనెప్పుడు పాలు తాగిన్నో తెలియదు!
పోయే ప్రాణం నిలిపెటందుకు
ఏ చల్లని తల్లో అందించిన
మొదటి అమృతధార –
చెంప మీద గరుకు మరక.
ఏ బొమ్మల్తో ఆడుకున్ననో,
ఏ ఏ ఆటల్ని
లోకమెరుకలేని మురిపెంతో
నేర్చుకున్ననో గుర్తుకు లేదు.
పగిలిన బొమ్మల ముక్కల్ని
కూలిన గోడలకు దారాల్తో కట్టి
నాకు నేనే మాట్లాడుకున్న,
ఎడతెరిపిలేని సంభాషణలు –
చినిగిన బట్ట పేలికలతోటి ఆరబెట్టుకున్న
లోలోపలి ఏడ్పు వానలు.
మూసుకున్న పాత అర్ర
తలుపుల వెనుక
నా ఒంటరితనపు దోస్తులు.
ఎవరెవరిని ముద్దు పెట్టుకున్ననో,
ఎవరెవరితో తన్నులాడుకున్ననో –
చిమ్మచీకటి అలవాటు పడ్డకళ్ళకు
ఎప్పటికీ కాని పరిచయాలు.
నాలో నేనే,
అందరికీ వినబడెటట్టు,
వాడచివర తల్లి లేని కుక్కపిల్ల ఏడుపుతో
రాగం కలిపి పాడిన పాట –
చిన్నతనమంతా అలుముకున్న
చెవులు చిట్లిపొయ్యె నిశ్శబ్దం.
ఈత నేర్చుకున్న పాతబావి
పచ్చటి నీళ్ళలో జరజర పాకిన
నల్లటి నీరు కట్టెలు –
చుట్టలు చుట్టుకుంటూ
బుజాలమీద నుండి జారిపోయే
పసితనపు భయాలు.
కలలో, లోలోపలి కలల్లో
రోజూ కనబడే పగిలిన బొమ్మలు,
సుడులు తిరిగే గొంతు విరిగిన పాటలు –
వెంటాడుతుంది కందిరీగలా కుట్టే
కనికరం లేని ఒంటరి చిన్నతనం!
———–
