కోడూరి లీలావతి

‘శ్రీ రవీంద్రనాథ్‌ టాగూర్‌ భారతదేశపు గొప్పకవి, కళాకారుడు, యాభైఏళ్ళు, అంతకు పైగా ఆయన గొప్ప అధ్యాపకుడుగా, గురుదేవుడుగా పేరుకాంచారు. ఆయన వెళ్ళిపోయారు కాని భారతావనికి, ప్రపంచానికి శాశ్వతమైన ఖ్యాతిని మాత్రం మిగిల్చి పోయారు. ప్రపంచ రాజకీయాలు క్లిష్టమౌతున్న ఈ రోజు గురుదేవుని వంటి మహామహుడు ఎంతైనా అవసరం” – శ్రీ బాబూ రాజేంద్రప్రసాద్‌
”భారత పునర్వికాశ విప్లవానికి టాగూర్‌ నాయకుడు. అటువంటి అపురూపమైన లక్షణాలు గల మహాకవిని కొన్ని తరాలుగా మనం పొందలేదు. అతడు గొప్ప ప్రవక్త. మన భావి ఆశయ సిద్ధికోసం ఆయన ఎన్నో సలహాలు ఇస్తూవుండేవాడు. కోట్ల కొద్ది విదేశీయులకు మన భారతదేశంపైనా, సంస్కృతిమీదా సదాభిప్రాయం, గౌరవభావం ఉన్నాయంటే కారణం ఆయన రచనలే. ఆయన ఆశయాల సిద్ధికోసం మనం కృషి చేయడమే యిక మనం ఆయనకు చూపించగల గౌరవం” అన్నారు : కాశీ విశ్వవిద్యాలయ వైస్‌ చాన్స్‌లర్‌ డాక్టర్‌ సర్వేపల్లి రాధాకృష్ణన్‌
”కవి ఎల్లకాలం జీవిస్తాడు. రేపటి” తరాల హృదయాల్లో మెలగుతాడు. ఇక టాగూర్‌ వంటి మహాకవుల సంగతి వేరే చెప్పాలా? ఆయన తన దేశాన్ని ఎంతగా ప్రేమించాడో అంతగా, తన శరీరంలోని ప్రతి నాడిలోనూ, తన ప్రతీ రక్తపు చుక్కలోనూ ప్రపంచ ప్రజలను అనంతంగా ప్రేమించాడు. అంతర్జాతీయ తత్వం ఆయన ముఖ్య సిద్ధాంతాలలో ఒకటి. ఆయన ప్రకృతిని ప్రేమించాడు, ఆ అందం ఏ దేశానిదైనా, ఏ ఖండానిదైనా విశాల హృదయంతో ఆయన ఆరాధించాడు. : శ్రీమతి సరోజనీ నాయుడు

———–